أطياف شاردة مجهولة المصدر

مع الديموقراطية حين تساندنا .. ونلعن ابوها لو خذلتنا!!

2011-12-08T18:56:00.001-08:00

بقالى كام يوم بعمل استطلاع رأى فى وسط البلد وأماكن شعبية ... وتأكدت ان فى إجماع إن الناس فى الشارع فعلا عايزة الإخوان!
ليه بقى القهر المرضي ده! قابلت شاب مصري كان بيحشش - وبطل على حد قوله - وعايز الإخوان علشان "يجرب نظام جديد" ! حقه!
ماذا تنتظروا من شعب يهتم بتشكيل نادى الأهلى وتاريخه الحافل بالانتصارات أكثر مما يهتم بالأحزاب والتيارات السياسية التى ستشكل مستقبله! معظم الشعب (وانا معهم) لم يعرف شي عن السياسة .. لازلنا سنة أولى سياسة!

عزيزى الناخب اللى مش عايش معانا على الأرض .. انزل اتمشى شوية فى أى منطقة شعبية وقلهم كلمتين ... "الليبرالية" .."الإسلامية" ... ويا ريت ماتقوليش ايه اللى هيحصلك علشان أنا عشته صوت وصورة!

ولو الإخوان مسكوا وأكلوا الشعب وعلموه واكتشف الشعب المصري بعد ماتعلم ان الإخوان لا يصلحوا .. هيحصل ايه .. هيعمل ثورة! ماذا تنتظر يا أخى المواطن اللذيذ الرايق الليبرالى يااللى بتتغدى فى تشيليز وتتعشي كريب من شعب أقصى طموحاته "أن يأكل حتى يشبع"!!! وإذا شبع ربما يفكر أن يتعلم!

أرجوكوا بلاش نوبة الهلع إللى أصابة الليبراليين مدعيين الديموقراطية!
أطعموا شعبكم وعلموه.. ثم حدثوه عن الديموقراطية .. والتى قد لا تبقى عليكم !

الانتخابات... مصلحتك أولا!

2011-12-08T18:55:00.001-08:00

عفوا سيدي الناخب ..

هناك من قد يقف خلفك يرى الطريق بعين واحدة لترى أنت هذا الصندوق بعيناك!
وهناك أيضا من يقف على قرب منك .. بإصابة فى أحد أقدامه أو يديه أفقدته عمله الذي ستعود أنت إليه غدا لتقص على زملائك تجربة الانتخابات !
وهناك من عاش حياته يدافع عن الحق والحرية ولم ينل حتى هذا الشعور الرائع الذي يملؤك بالسعاده بأن "رأيك مهم" .. لأنه اعتقل!
هناك من عاشت أملا أن تقف فى طابور الديموقراطية لترى حلم ابنها بالحرية.. واستيقظت فى الصباح تهرول فرحا لتوقظ ابنها ليصحبها لتنتخب من سيجعل مستقبله أجمل من مستقبلها ... ولكنها لم تجده هناك .. رحل ... رحل لتقف أنت مكانه .. تلعنه ... وتلعن الثورة!
November 30 at 9:32am

ذكريات ثورة محمد محمود

2011-12-08T18:34:00.001-08:00

مصر كلها بتنزل من ورا بعضها :) مش قادرة أصدق ! انا حاسة اننا فى خلية سرية كبيييييييييييييييييييييييرة :)
November 21 at 7:05pm

اللى نازل التحرير ياخدلهم مياه ... أرجوكوا مياااااااااااااااه !!
November 21 at 6:11pm

كنت قاعدة بفكر من شوية: ليه في ناس بتدافع عن الافترا؟ عشان هي مفترية! وليه في ناس بتدافع عن الفساد عشان هي فاسدة! وليه في ناس بتدافع عن الظلم؟ عشان هي ظالمة! (كل يرى بعين حاله) وليه أنا مصرة أناقشهم؟ عشان أنا حمارة!
November 23 at 2:30am

The sound of ambulance used to scare me.. after the past week, it doesn't anymore..
November 26 at 8:57pm via mobile

أيها الانقلاب العظيم ... نحن الثورة!ا

2011-07-11T10:35:00.000-07:00

أى ثورة هذه التى لا تطلق أى قرارات ثورية؟ أى ثورة هذه التى تتعامل مع من ثارت عليهم باستحياء؟!ا
ثورة ... مع ايقاف التنفيذ!ا
بدأت الثورة فى الخامس والعشرين من يناير، وفى السبع أشهر الماضية لم نسمع بخبر أو فعل أو قرار ثوري. لم يثلج صدور أغلب الشعب المصري وما حوله من شعوب مساندة لثورته سوى قرار تنحى الرئيس المأسوف على كهولته مبارك!ا

فرحة عارمة اجتاحت قلوب وبيوت المصريين بما حملت من زغاريد وأحضان ودموع فرح وماحملت الشوارع من مظاهر احتفال لم تشهده مصر منذ انتصار اكتوبر وأتى هذا القرار السعيد الوحيد إلى مسامعنا بصوت مبتئس مكسور حزين ومهزوم! كان رد الفعل الشعبى ثوري و لكن لم يكن القرار!! لما لم يعلن المجلس هذا القرار بابتسامة وفرحة للثوار والشهداء وشعب مصر الغلبان المنتظر منذ سنوات فرحة التخلص من كابوس آل مبارك؟! لما أطل علينا عمر سليمان - أكثرمعادي الثورة - ليعلن أسعد خبر على قلوب الثوار وهو مكفهر الوجه وفى الخلفية وجه عابس "للراجل اللى واقف ورا عمر سليمان" ليعلن تخلى الرئيس محمد حسنى مبارك عن منصب رئيس الجمهورية وقد بدأ كلمته بـ عبارة "فى هذه الظروف العصيبة التى تمر بها البلاد"!!! لم كل هذا التحفظ فى اختيار الكلمات والتعامل مع الثورة واصطلاحتها على استحياء ... محرم علينا كلمات كالمخلوع والتنحى وكلمات أخرى تعبر عن الثورة ...لم الاستحياء فى كل شيء!! ما حدث فى 52 كان انقلاب عسكريا بشهادة التاريخ.. لم يكن ثورة شعب .. كان محض انقلاب قابله الشعب الموافقة ولكن لم يلعب فيه الشعب دورا فعالا. ورغم ذلك إذا قرأت صحف 52 تستشعر انها الثورة .. تراها تطل راقصة منتصرة بين سطور الأخبار والمقالات ..!ا

قام بانقلاب 52 الضباط الأحرار .. ليجعلوا من ابن الجناينى ظابط يا انجى ويحولوا الفلاح الذي كان ينتج محصول يغنيه عن المعونات الخارحية لفلاح يملك أرض بور لا تصلح للزراعه – قاعد بيندب حظه جنبها – بعد تفتيتها لفدادين خمسة! وبالقطع، نقم البشوات والبهوات على الانقلاب الذي نهب ثرواتهم بدوان لا محاكمة عاجلة ولا بطيئة ولا حتى أى وجه حق! وظلت الثورة .. أعنى الانقلاب قائما ويُحترم إلى يومنا هذا.ا

أعرف ما سألقاه من هجوم و إتهامات لتشويهي ثورة 52 التى كانت - مشكورة - سببا فى جلاء الانجليز من ناحية، ومن ناحية أخرى تسببت فى ارتفاع معدل الحراك الاجتماعى بين الطبقات فى الحقبة الناصرية ثم الانفتاح الاقتصادي والهجرة فى السنعينات. وبالطبع أدت هذه التغيرات إلى أزمات و مشاكل لازلنا نعانى منها حتى الآن - كما يرى جلال أمين فى كتابه "ماذا حدث للمصريين": *"هذا الحراك الاجتماعى هو فى رأيي الحلقة المفقودة فى التفسيرات المطروحة لأزمة الاقتصاد والمجتمع المصري" ... بعض الأزمات والمشاكل التى لازلنا نعانى منها حتى الآن تتمثل فى "الفساد او التسيب وعدم الانضباط ومن ازدياد حوادث العنف، وظهور أنواع جديدة من الجرائم، وتفكك الأسرة، وانتشار قيم مادية تعلى من قيمة الكسب السريع على حساب العمل المنتج، وضعف روح التعاون والتضامن الاجتماعى، وتدهور نمط الحياة فى المدينة والقرية على سواء: المدينة تزداد تلوثا وازدحاما وضوضاء وقبحا، والقرية تتحول من قرية منتجة إلى قرية مستهلكة. فالمبانى السكنية تزحف على الأراضي الزراعية، والأراضي الزراعية يجرى تجريفها وتفقد خصوبتها لإشباع حاجات استهلاكية بحتة وازدياد تغريب الحياة الاجتماعية، وانتشار تقديس كل ماهو أجنبى وتحقير كل ماهو وطنى." وشكى المعلقون السياسيون من "ضعف روح الولاء والانتماء للوطن، وانتشار اللامبالاة بالقضايا القومية الكبرى وانشغال الناس عنها بقضايا معيشية يومية ... وزيف الديموقراطية وعجز المعارضة فى اتخاذ القرارات الأساسية." ومن ناحية الثقافة "شيوع اللاعقلانية فى التفكير الدينى، وتدهور مستوى التعليم وانحطاط حال الجامعة."ا

ومع كل ذلك،اطلقنا ومازلنا نطلق عليها ثورة مستخدمين كل مصطلحاتها وقراراتها الثورية الحاسمة الحالمة بغد أفضل! وأتت النكسةالتى اخفقت رؤوس المصريين جميعا سنوات واحبطت شعب بأكمله وتم اعتقال وتعذيب وترهيب وتهديد كل من أرجأ الهزيمة لقيادات الثورة المعصومة عن الأخطاء!ا

وها هو الآن يتعامل معنا مجلس قيادة انقلاب 52 بنفس منطق خيانة الخارجين عن الثورة!ا

عفوا أيها الانقلاب العظيم ... نحن الثورة!ا

أيها المجلس العظيم، نحن 3 مليون مصري ليبرالى واخوانى.. غنى وفقير.. مثقف وغير متعلم هتف بكل حماس وصدق الجيش والشعب أيد واحدة! هذا الجيش الذي حملناه على الأعناق .. هذا الجيش الذي تكبد معكم انكسار الهزيمة وأتى لنا بفرحة الانتصار ! فلترفع عنا أيها المجلس يداك.. فلترفع عنا وعن جيشنا وعن ثورتنا ايديك الحانية! ارفعوا أيديكم عن ثورة لم تحاكم فاسد ولا سارق ولا هاتك عرض ولا قاتل أعزل ولا مسرطن! لم تحاكم ثورتنا البيضاء سارق حلم شاب يحلم ببيت وزوجة وأبناء يستنشقون هواء نقى .. ثورة لم تحاكم داعر ولا نخاس ولامعذب !ا

ارفعوا أيديكم البيضاء عن ثورة ... لم تحاكم سوى ثوارها !ا

-----------------------------------------------------------------------------
*مقاطع من كتاب جلال أمين "ماذا حدث للمصريين

للثورة تلميحات ... و تقبيحات أخرى

2011-03-03T08:00:00.000-08:00

1. استقالة شفيق:
أنا مش فرحانة فى شفيق .. أنا بجد فرحانة إن ممكن بجد يبقى فيه ناس شرفاء يمسكوا البلد
شفيق كان مطلوب منه حاجة واحدة ومقدرش يعملها "السيطرة على الإنفلات الأمنى"
شفيق مكلفش خاطره أو معرفش لظروف خارجة عن إرادته (وهو ما لا أفبله من رئيس وزارة بلدى) يجيب وزير داخلية شريف وكأن الشرطة قد خلت من الشرفاء!ا

واللى شايف إن شفيق طيب وابن ناس .. انا كمان أمى طيبة وبنت ناس وأصيلة ... بس لو رشحت نفسها أؤكد ليكوا إنى مش هنتخبها حتى لو عملتلى صنية مكرونة بشامل!!ا
أنا لا يسعدنى أن أرى أديب له قدره و رئيس وزراء ابن ناس بيتخانقوا زى سواقين الميكروباصات ...!ا

2. محمود سعد شريف شريف شريف!ا
أى جرم ارتكب محمود سعد لينعت ب"منافق"؟
صرح محمود سعد أنه لم ولن يتخذ أى موقف ضد رغبة شباب التحرير ... ليه؟ لأن صوته اتنبح يطالب بحقوق ناس و يعارض فاسدين على التلفزيون ولأنه دائما ما كان يحلم بمطالب هذه الثورة.. قطعا حلم الثورة كان أوسع من خياله!ا

لماذا لم يحاور محمود سعد الفريق شفيق ؟ كان هذا طلب شباب الثورة وبصراحة أكثر هو حر!ا

هل استقال محمود سعد علشان الفلوس؟ نفى صوت القاهرة ذلك تماما ... وببساطة لو الموضوع فلوس كان ذكائه هداه لتأجيل هذا الخطوة بضعة أيام أو أسابيع!ا

3. شعار الداخلية الجديد: الجريمة لا تفيد!ا
قبل الثورة ومن سنين طويلة وانا بهاتى وأقول ستتدهور حال البلاد وستبقى من سيئ إلى أسوأ إذا لم يعرف الناس معنى الثواب و العقاب !ا
يعنى اللى يتسبب فى غرق عبارة لازم يتحاكم بجد واللى (ولامؤاخذة) بيتف فى الشارع يتحاكم واللى يغتصب واحدة يتحاكم ويتعلق من قفا أمه !!! وهذا هو العدل وهذا ما يصلح البلاد ! يعنى لو كسرت على واحد ونزلت ضربته تتحبس ولو اغتصبت واحدة يا تتعدم يا تقضي حياتك في السجن (مش تاخد 3 سنين سجن) ولو تسببت فى موت ألف انسان تعدم !ا ولكم فى القصاص حياة يا اولى الألباب
محدش هيبطل يغلط نهايئا غير لما يعرف إن أى تهاون أو خطأ أو سهو (أو استهبال) لن يغتفر!ا
لا يتنافى مع ذلك أن تعود إلينا صفة التسامح والصفح وهى صفات تحث عليها كل الأديان السماوية وحتى البوذية ... يعنى لما يطلع اللي في الحبس و يعتذر عن ما بدر منه ويعلن التوبة نتقبلها منه إلا إذا عاد لجرمه!ا

نقول تانى ... وفى الإعادة إفادة ... إلى كل من سيتولى منصب فى هذه الدولة ... لن تتقدم مصر إلا حين يصبح فيها عقاب رادع لكل جريمة أو جنحة أو أى فعل غير حميد .. من اول الخروج من الحارة أثناء القيادة إلى التحرش والسرقة! مرورا بعقاب كل من يحرم أبناءه من التعليم بالسجن ، ولو لشهور! ولو كل واحد خرج من حارته لقى نفسه بيدفع 100 جنيه و هو واقف، البلد هتمشى زى الساعة!ا والكلب اللي هيدخل القسم يكلم حد يلحقه تتشدد عليه العقوبة! وعلى رأى فؤاد المهندس : أظن واضح!ا

4. ثورة شباب ؟ أم ثورة جياع؟!ا

أتمنى من كل قلبى أن نعى الدرس جيدا
قال الشاعر عبد الرحمن يوسف: وأن ما يحدث لنا الآن هى ضريبة "كلنا" بندفعها لتخاذلنا كل السنين الماضية فى الدفاع عن الحق واستسلامنا التام للظلم والفساد ولولا الثورة لقامة ثورة جياع من العشوائيات بلا مطالب غير البلطجة لتطيح بمصر .. وكان الجيش نزل برضه بس لا كان هيبقى في تغيير ولا طلب لدستور جديد ولا مطالب لثورة شباب واعى.

وأما أنا فانحنى شكرا للثورة ولكل من حرمنا من مواجهة ثورة العشوائيات !ا

5. بدأ فسادا وانتهى كفرا

لا تلم الآخرين أرجوك ... كنت انا أول الفاسدين .. تعرضت حادثة نصب يعرفها الكثيرون فى مبلغ من المال لم يكن لى فلم يكن منى سوى ان اجريت اتصال سريع لكل معارف أبى في الداخلية لإنقاذى ولم أتراجع حينما عرضوا ان يستخدموا الطرق المشروعة والغير مشروعة (طبعا ماعملتش كده) ولكن مين عارف ؟ مش يمكن لو كان داق بيا الحال كنت عملت كده؟!!ا أليس هذا فساد بين !ا
أليس استخراج رخصة قيادة بالواسطة وبدون اختبار فساد؟!ا
ألا تستخرج بطاقات لأناس "مابيعتبوش القسم" ... أليس هذا فجر ؟!ا
أعى تماما الفرق بين الفساد والفجر ... وأخجل أن أقول أن ما أقرأه الآن فى الصحف مما حدث من خراب لهذا البلد كان محض كفر!ا
ولكن اللى بيطلع ايده للعسكرى بخمسة جنيه علشان ماياخدش مخالفة ... لو كان وزير هيطلع مليون علشان مصلحته تخلص؟! وعلى رأى أبويا كل حاجة فى الدنيا درجات ! واللى يعمل الصغيرة تهون عليه الكبيرة!ا

6. عزيزى المواطن: إعرف حقوقك!ا

طلب أخير وشرف أمك يا شرف ما تعزوا عنى ... أعرف أن نصف مصر غير متعلم .. أن حتى النصف المتعلم غير واعى وأحد أهم شروط الوعى هو أن تعى ماهى حقوقك وماهى واجباتك ..
فأهم من مشروع القراءة للجميع لأن واضح انه مكانش كفاية (يمكن علشان كان معمول وفق أجندات سوزانية!) ولاكانت مجانية التعليم كفاية ... هذه المرحلة تحتم وجود مجموعات توعية في جميع المجالات .. ولأهمها توعية الناس بحقوقها وبما لها وما عليها ...
وأرجوك لما تطلب حقك ماتشحتوش ... وبرضه بلاش قلة أدب .. ولكن لازم تطلبه وتصر عليه ... فقط تأكد أنه فعلا حقك

7. مصر مش هتضيع
في ظل المناقشات الحامية الوطيس .. و حمقتنا كلنا في الدفاع ضد أو مع شخصيات شهيرة ... إنقسم الشعب إلى ٣ احزاب
...
حزب بيقول: علي بابا راجل طيب
و حزب بيقول : علي بابا حرامي سرق المغارة
و حزب منهار و بيصوت :ارحمونا مصر بتضيع
..

ندائي الاول إلى حزب "علي بابا راجل حرامي" لما تناقش حد من حزب "علي بابا راجل طيب" أرجوكوا بلاش إستخدام كلمات زي "بطلوا سذاجة و جهل" و "اقروا شوية" و غيرها من إتهامات يعاقب عليها القانون ..
أما حزب "علي بابا راجل طيب" أصلاً حزب طيب .. لأن كلن يرى بعين حاله ... بس لو شايفين حد صالح لازم يبقى عندكوا حجة قوية للدفاع عنه .. مش كفاية تكون حاسس إن إللي بتدافع عنه طيب ! لازم يبقى عمل حاجات كتير و انجازات فعلية عشان تخلي الناس يسمعوك .. و يا ريت بلاش تأليه البني أدمين ... فمهما كانوا صالحين هم بني أدمين و ليهم أخطاء ... مهماش أولياء الله الصالحين يعني!!ا

ملحوظة للحزبين (بقولها لنفسي لما بتخنق): لو زعلان قوي إن مش كل الناس شايفة الحق اللى انت شايفة وضوح الشمس في كبد السماء .. إفتكر إن في ناس مش شايفة إن في ربنا أصلا !ا

و أخييييراً إلى حزب "كفاية ... مصر هتضيع"
مصر ممكن تضيع فعلاً لو فضل شعبنا لا يفقه شيئاً في ثقافة الآخر و إحترام الرأي والرأي الآخر ! مصر مش هتضيع عشان شاعبها مختلف في الرأي ... لازم نحمد ربنا و نبوس ادينا شعر ودقن إن بقى عنده رأي أصلاً! فقد كنا نعاني على مدى سنوات اننا شعب بلا رأي (كنا الشعب القطيع) كنا للأسف شعب لا يعرف أصلاً "كيف يكون رأي" ولا عايز أصلاً يكون رأي ... شعب مستعد يمشى ورا أى حد مدام وهيريحله دماغه! كنا شعب "مكبر" وبيس يا مان!ا

مصر مش هتضيع لما نختلف ...بس المهم قبل ما أختلف أسأل نفسي:

1. أنا رأيي ده بنيته على أي أساس؟ يعنى ماينفعش أكون رأي عن الـ"لازانيا" بعد ما أكلتها من تيبيستي !! الرأي وليد اللحظة دة بلاش منه وحياتك!ا
2. القضية أصلاً مستاهلة نقاش والدخول في جدل .. ولا أخش أنام وهو النوم مفيد برضه؟
3. لما بنتناقش نكون مؤمنين بجملة قالها الإمام الشافعي "رأيي صواب يحتمل الخطأ، ورأي غيري خطأ يحتمل الصواب!!"

صدقونى
مصر مش هتضيع لما يبقى الشباب بيفكر مين أجدر يحكم بلده بدل مايفكر في أخر كليبات هيفاء!ا
مش هتضيع لما الشباب يبقى مهموم بنهضة مصر مش بنهضة نادي الزمالك!ا
مش هتضيع لما الشباب يتنافس في إثبات وجهة نظر لأنه – وأخيرا - بقى عنده وجهة نظر أصلاً!
مش هتضيع لما الشباب يستغل وقته الفاضي عشان يشارك في عمل جماعي ... مش في "تاماراي"!ا
مش هتضيع لما شباب بلدي يبتدى يحفظ أسامي الوزراء والقادة السياسيين أكتر من أسامي لعيبة الكورة!
مش هتضيع لما تشوف علم مصر من غير مايكون فيه دوري ولا كاس افرقيا ولا حاجة !!
و في النهاية مصر مش هتضيع لما شباب الفيس بوك يتحول و بقدرة قادر من جروب "عمر دياب ولا تامر حسني" لجروب "مع أو ضد شفيق" أو "عمرو موسى رئيسا للجمهورية"

يمكن كتير مننا مش فاهم حاجات كتير .. بس على الأقل بقى عايز يفهم!ا

7. أنا مش زعلانة من أى حاجة فى الثورة حتى البلطجية!ا

فإذا كانت الموت قادم لا محال
فالموت على ايد بلطجى - بالنسبة لي - أشرف من الموت بسرطان والى
أو الموت فقرا من أجل المحروس جمال
أو الموت غرقا بسلام
أو الموت قهرا وحزنا على التعذيب في السجون
أو الموت غباءا لأنى لا استحق ديمقراطية سليمان
وأهون حتى من الحياة بعين واحدة علشان خاطر عيون العادلي!ا

8. الثورة والشهداء مش سبوبة!ا

كفايه أغانى للثورة
أبوس إيديكوا و أوتار أعوادكوا وجيتاركتوا وصوابع أورجاتكوا وبيانوهااتكو صباع صباع ... خلاص الحمدلله مشكورا الأخ العزيز حمادة هلال العيب عداه و قزح و صرح بموت شهداء يناير في أحداث يناير .. واحنا سكتنالوا ومطالبناش باعتزالوا لحد دلوقتى وده كرم أخلاق من الثوار طبعا !!! بس كفايه كدة!ا وهذا نداء إلى المزيكاتية اللي عارفين نفسهم كويس ... بلاش النحتاية دي! عندى انا!ا

وائل غنيم ... شكرا

2011-02-18T19:36:00.000-08:00

إلى وائل غنيم

كنت من أوائل الناس الذين انضموا لجروب "كلنا خالد سعيد" وكنت أعيره اهتماما كبيرا .. ولأنى من هؤلاء الذين يعتفدون أن "من كان منكم يؤمن بالله أو باليوم الآخر فليقل خيرا أوليصمت" كان تعليقي في الجروب لا يتعدى المرتين أو ثلاثة ولكن أذكر أن أحدها كان أرجوك لا تهتم بمن يهاجمك وأعمل ما تراه حق .. وكنت قد ذهبت بالفعل أحد الأيام لأنضم لأحد مظاهرات 26 يناير فى مدينة نصر ولكن حالت الظروف دون ان أبقى...ه

كانت تساورنى الشكوك عن شخصك، كأى مصري صميم يعشق إلصاق التهم بالآخرين حتى يتخلص من عقدة ذنب التى تنبثق من تهاونه للدفاع عن الحق هو الآخر ولكن في أغلب الوقت كان يسيطر علي صوت احساسي الذي كان متيقناً بأن هناك شخص ذو ضمير يقظ و ذكاء يحسد عليه وحضور طاغٍ وراء هذا الجروب

إلى أن قرأت في جريدة ما عن اختفاء "وائل غنيم" أدمن جروب "كلنا خالد سعيد" والذي يعمل في جوجل ثمة نبرة ما في الخبر جعلت الشكوك تراودنى عن شخصك وعن أن الاعلام الذى يخدعنا كالعادة وأنك لست أدمن الجروب وما هى إلا أحد مسلسلات الاعلام الرديء لفض تجمع الشباب حول فكرة آمن بها، بأن يتضح لهؤلاء الشباب السذج بأنهم كانوا مطمع لمؤامرة اسرائيلية قطرية ايرانية امريكية تركية لها طابع الافلام الهندية! ليتضح في نهاية الفيلم أن الشاب الأدمن العميل خدع شباب مصر السذج وأنه هو من أغرق العبارة وفجر الكنيسة والمسؤول عن قضية أكياس الدم الفاسدة و مذبحة نجع حمادي وقتل هبة ونادين ويا سلام بقة لو طلع هو اللي قتل خالد سعيد وعمل الجروب علشان يدارى على عملته السودا!ا

صدقنى إذا كنت شاهدت الإعلام العربى – كله – في الأيام القليلة الماضية لكنت عرفت أن 99% منه يعمل وفقا لأجندات سودا رديئة الصنع ... فقد عشنا الأيام الماضية مع إعلام دائما له أغراض وله مخرج فاشل يثير استفزازك ! فقد ترى هذه الأجندات تسطع في عيون المذيعين بل وقد تقرأ سطورها بوضوح!ا

ظللت أتخبط بين من يقل "أنها الفتنة ... لعن الله من يوقظها" وبين هؤلاء الذين ينتظرون الفرج بعد عدة شهور وبين من يصرخ في وجهى "يا هبلة ... أنتى لسه مصدقاهم؟!" (متحدثا عن الحكومة)ه

ولأننى شخص يأخذ وقت طوييييييل لتكوين رأي أؤمن به وأدافع عنه ... أصبحت أشك في أى شيء حولى وأي شي أسمعه أوحتى أراه بأم عينى ... أحساس "التخوين" احساس بشع وخصوصا بالنسبة لى ... فأنا مؤمنة أن كل يرى بعين حاله .. فهؤلاء الذين يشكون في من حولهم ما هم إلا أشخاص مرضى غير صادقة ...

إلى أن أطل علينا الإعلامى الراقي الحس "الراجل" محمود سعد وقال جملتين لعمرو أديب

1.هل اللي موجودين فى مناصبهم دلوقتى هيغيروا حاجة يا عمرو؟
فأجابه عمرو بنبرة حاسمة: لا !ا

2.و رجوع 15 وزير لمنصبه ده يعتبر تغيير مبشر؟
أجابه عمرو: لا!ا

وظل إختفائك لغزا بالنسبة لى فأنا أتخيل إما أنك لست أدمن خالد سعيد أصلا! أو أنك الأدمن ذو الأجندة السرية الأمريكية "الجوجلية"!!ا

والاحتمال الأخير وهو ما عشت معه منذ انضمامى للجروب أنك شخص من الآخر لا يسعى للشهرة ولا لتقديم نفسه للداخلية التى لن تجعل منه شهيدا بل ستحوله لمجرد إسم من الأسامى المحفورة في صحيفة ذنوبها!

واطللت علينا على شاشة هذا الجهاز - ذو الأجندات السرية دائما وأبدا – وعرفت أن حدسي لم يخنى أبدا وأن فطرتى لا زالت تعمل وأنك حقا شخص لا يسعى للشهرة ولا لتقديم نفسه للداخلية!ا

وأخيرا أعتذر لك بأن ساروتنى الشكوك نحوك

وأشكرك شكرا خاصا بأن أرحت عقلى الذي تسلت عليه كل القنوات المحلية والفضائية ذات الأفلام الخارجية!

ودعائي أخيرا "يا مثبت القلوب ثبت قلوبنا على دينك" ... وعلى الحق دائما وأبدا

عالم... بلون الضحكات الساذجة

2008-05-24T16:40:00.000-07:00

أرتعد خوفا حينما أفكر في كم الأنانية والحقد والسوداوية التي أصبحنا كشعب نتعامل بها. نلهث بحثا وراء خطايا الآخرين تاركين وراء ظهورنا أو بمعنى أدق متجاهلين أطنانا من ذنوب لأنفسنا. رحنا ننقب عن أي خطأ للآخر لنجعل منه سلاحا ضده ولو لنعطى أنفسنا الحق لجرحه من دون الشعور بالذنب.ا

...وفي هذا الكم الهائل من ثورات الكره الكامنة في نفوس أمة بأكملها ...ا

...

أهرب إلى مخدعي لأشاهد أي مشهد من الكوميديا الساذجة عله يلون تلك التراجيديا السوداء اللون التي انسكبت على أيامنا فلونتها بلون قاتم ... فهل تجدي الكوميديا البريئة مع عالم يحتسي قهوته في الصباح على أنغام الرشاشات وتقاسيم صرخات الأطفال وأنات الأرامل؟...ا

سأحاول...ا

سألون عالمي بلون الضحكات الساذجة!ا

مصر هتفضل غالية عليّا

2008-04-09T17:44:00.000-07:00

فجأة بعد ما قريت مقالات في الوعي المصري
وبلوج مراقب مصري اتشحنت قوي وبعد موضوع الغلا اللي شاحن الناس كلها و
خصوصا اني عندي روح ثائرة حطاها في التلاجة يمكن أحتاجها في يوم من الأيام .. مين عارف ما بقتش حاجة مضمونة اليومين دول
و بغض النظر ان البلوجز السياسية تحفل بأرقى أنواع السباب التى تثير اشمئناطى الا انني مع الأوضاع الراهنة حسيت انى نفسي اعمل حاجة مش عارفة ايه بس عايزة أطلع ثورة الفقراء اللي جوايا دي حتى لو هأقف في الشارع ما بعملش حاجة وأزعق بآخر ما عندي زي محسن محي الدين في وداعا بونابارت: "مصر هتفضل غالية عليّا "..ء

يا ريت اللي هيفكر يعتقلني علشان قلت الكلمتين دول يفكر ألف مرة علشان أنا لا بفهم في السياسة ولا هعترف على أعضاء أي حزب ... الحزب الوحيد اللي ممكن أنتمي له ... هو حزب وداد قلبي يابوي !!ا

سأعود !ا

2008-03-11T18:11:00.000-07:00

وحشتنى الكتابة
وحشتنى القراية
سأعود ... أكيد
سأعود !ا

My New Website

2008-01-24T15:55:00.000-08:00

Try my new Website:
http://www.saraheltobgy.net/

الرضااااااا

2007-08-23T10:55:00.000-07:00

بعد تأمل عميق ومعاناة طويلة مع الحياة، اكتشفت أنني قد أخطأت الفهم وأن الحياة لم تخلق لنسعد .. ورغم أنني أمضيت عمرى أبحث عن السعادة أصبحت فكرة السعادة توتر أعصابى... فحين أعرف أنها قادمة لا أقبل عليها بشغف كما كنت من قبل. ليس لآنني انسانة "غاوية غم" كما قد يتصور البعض ولكن ربما لآنني ... كما نقول بالبلدي كده "كبرت"... وبعد تأملى لقانون الطبيعة الذى يؤكد أن "لكل فعل رد فعل مساوي له في القوة ومضاد له فالاتجاه" فان علينا أن نفهم أن السعادة إذا أتت بعمق سيأتي بعدها الحزن بعمق!!ا

بالعربي كده هتجيبك من سابع سما،ترميك سابع أرض!ا

فلم التوتر التعب؟!!!ا

.....
وأصبحت لا أبتغي في هذه الحياة سوى السكينة والرضااااااااااااااااااا !ا

Expecting...

2007-04-26T16:33:00.000-07:00

Pessemists say: "Expect worst"
Dreamer say: "Expect best"
I would say: "Just don't expect"

My New Blog (for short stories)

2007-03-26T10:32:00.000-07:00

أحب أعلن أن أخيرا البلوج الخاص بقصصي القصير [هواجس نفس] طلع للنور!ا
I would like to see you there :)
The blog has now only ONE short story called على هامش العمر
.
http://sarooka.wordpress.com/

دوّر على الحب

2007-03-14T13:26:00.000-07:00

كلمتين ... أثروا في من فيلم "ويجا" لخالد يوسف
وبصراحة من كتر ما الكلام من الآخر ... أنا ماعنديش تعليق
مش مصدقة الكلام ده ازاي حقيقي كده!ا

على لسان هاني سلامة

أنا بدوّر على الحب مش على الكراهية
كل العلاقات بين الناس... لو دوروا على أسباب يكرهوا بيها بعض هيلاقوا ... مهما كانت بينهم حاجات حلوة

ولو دوروا على أسباب يحبوا بيها بعض هيلاقوا ... مهما كانت بينهم حاجات وحشة

مين اللي عاقل فينا مين مجنون؟

2007-03-06T15:15:00.000-08:00

بعد ما كتبت بوست "أطياف وأنا" افتكرت فيلم "خيانة مشروعة".ا

والحقيقة أكثر ما جذبني في الفيلم ذلك المشهد الذي انتقلت فيه الكاميرا لتصور رأي الناس في "هشام البحيري" (هاني سلامة). وبين مؤيد ومعارض تراه وهو يؤيد ما سمعنا عنه من تناقض بثقة غير عادية في جمل بسيطة، يقول: "فيها ايه لما ابقأة بحب ألعب بوكس وبحب الرياضات العنيفة وفي نفس الوقت بحب الأوبرا والباليه؟ وفيها ايه لما أبقأه طيب مع الناس الغلابة وفيه حد بالذات دمه تقيل على قلبي؟ .... ألخ" بالقطع أنا لا أذكر الحديث نصيا ولكن كان هذا بالضبط فحوى كلامه.ا
وخرجت من الفيلم أحدث نفسي "فيها ايه صحيح؟!! وايه حكاية أننا ساعات بنتصور أن فيه ناس حلوة وناس وحشة ... بصراحة .. بتهيألي كده مافيش حد وحش وحد حلو (لأن ده أميل شوية لكارتون يوم الجمعة الصبح بتاع سينما الأطفال... حاجة كدة شبه .. سنافر وشرشبيل ... سلاحف النينجا وشنخر وصخر.. أو حتى الشرير بتاع مسلسل الساعة سبعة ، اللي لازم في الآخر يا يموت يا يروح السجن علشان هو زعل البطل اللي المسلسل معمول عشانه!!! أو يمكن الأرواح الشريرة التي غالبا ما تطارد د.رفعت اسماعيل بعد منتصف الليل!) كنت زمان بصنف الناس بالطريقة الطفولية دي.. بس من ساعة ما طلعت من طور أليس في بلاد العجائب اللي كنت عايشاه، بقيت أميل أني أصنف ما في البشر إلى: "صفات" ، بدلا من: مميزات وعيوب. ا

ازاي احنا مليانيين متناقضات كده؟ ساعات الواحد مش بيصدق نفسه. ازاي انت مع حد سخيف كده ومع حد تاني رقيق قوي كده؟ رغم اننا كلنا عندنا نقط ضعف وعندنا طيبة جوانا كلنا شايليين على الجنب شوية شر كده – احتياطي يعني. احنا مين؟ وازاي واحنا ممكن نبقى ناس كتير ممكن يقدر شخص واحد يحكم علينا؟ أكيد هيحكم من وجهة نظره هو. ومين الشخص اللي بيحكم علينا ده؟ بيحبنا؟ بيكرهنا؟ حاسس بينا ازاي دلوقتي؟ وهل حكمه دلوقتي هيبقى حكمه هوه هوه بعد سنتين تلاتة؟ مين فينا ممكن يحكم على مين؟ ده غير ان وجهة نظرنا عن بعض "غالبا" ما بتبقى ذاتية. يعني مثلا أذا كنت ترى أن من يهوى جمع المال شخصية مادية ... غيرك ممكن يشوفه عاقل وواعي وبيعمل حساب للزمن ... واللي تشوفه دمه خفيف غيرك يشوفه هايف ومعندوش احساس واللي تشوفه عبقري غيرك يشوفه معقد!احتى احنا كل يوم بحال ...جوه قلوبنا لوحة شطرنج ... على رأي سعاد حسني كاروهة سودة وكاروهة بيضة!ا

اختصارا ... أثر في تلك الطريقة التي أخرجني بها المخرج "خالد يوسف" أحدث نفسي بسؤال طرحه "يوسف شاهين" على لسان "منير" منذ زمن: "مين اللي عاقل فينا مين مجنون؟ مين اللي ظالم فينا مين مظلوم؟!ا

أطياف ... وأنا

2007-03-06T15:12:00.000-08:00

صور كثيرة تتراءى في خيالي

شعر غجري... لا مساحيق ولا رتوش .. ابتسامة صباحية تبتسم في وجه الناس جميعا.تحب كل من ترى في الصباح. تقبل كل من ترى بابتسامة نقية وضحكة عينين تشبه قطرات ندى الصباح.. موسيقاها لحن رومانسي متفاءل يعلن لزقزقات العصافير الصباح..

فتاة الحانة ... ألوان صارخة وليلة ساهرة ... امرأة حتى النخاع ... تقتل الليلة رقصا ولهوا ...

أم صغيرة...تركض وراء طفل في براءة وهو يلهو بين الأطفال ... تعانقه وتلقفه في الهواء ... حنان ... تستشعره عن بعد...

ثائرة ... تحمل شعارات الحق – كما تراه – وتهتف بكل ما أوتيت من طاقة ولا تقبل في الحق لومة لائم. لا تقل سوى ما تؤمن به... أراه تنام باستغراق هناك ... خلف القضبان!

طموحة إلى حد مرعب ... نهمة إلى العلم وإلى المعرفة تطمح أن ترى نفسها على المسرح... أن تسمع تصفيق الجمهور للمرة الأخيرة قبل أن تموت ... أو ترى اسمها يرصع صفحات الجرائد القومية!

حبيبة ... تصحو طوال الليل تراقب أهدابه التي طالما حلمت أن تراها وهو نائم ... قد تموت على زنديه إذا ما قال لها يوم من قلبه "أحبك"ا ...

ملاك في هيئة انسان ... في عباءة بيضاء حوافها وردية – لون فساتين دمى الأطفال – وطرحة بيضاء تتنقل في بين المصلين لتسقى الماء ... تلك الفتاة التي تشعر كلما رأيتها بحلاوة الإيمان ... كلما نظرت إليها شعرت بالرضا ...

روحي تائهة ... لا تعرف أي ٍ تسكن؟
من تراك تحب؟ وأنا لم أعد أعرف من أنا !ا

غني قليلا يا عصافير

2007-03-01T07:35:00.000-08:00

أكلما بنت مساء نسجت ثوبا من الدمع...ا

اكتسيته؟

.
من أغنية "غني قليلا يا عصافير"ا

mooparmghor tagged me

2007-02-09T19:58:00.000-08:00

لإيماني التام أني عندي 17 شخصية مستقلة بذاتها وإني لو جاوبت الأسئلة دي كلها 30 مرة هاجاوبها كلها باجابات متناقضة تماما في كل مرة فأنا حاولت – وأتمنى التوفيق – أن أكون في حالة نفسية شبة مستقرة علشان متكونش اجاباتي متناقضة قوي – على الأقل علشان مايبانش حالة الفصام المستعصية اللي وصلتلها :( ا
.

ايه اللي هيحصل لإيميلك لما تموت ؟

يغور وأنا هابقا فاضياله... ابقوا ابعاتولي داعاواتكم بالتثبيت على
sarooka@elghafeeer.torab

.
اديت الباس وورد لحد قبل كده ؟ آه
.

لو أه كانت طبيعة علاقتك بيه ايه ؟

جوزي :) مهندس شبكات ... ولو مقلتهاش أنا، هيعرفها هيعرفها ... فقلت تييجي مني أحسن
.

اسمك ؟ سارة الطوبجي

.
اسم الدلع المشهور وسط اصحابك ؟

sarooka
.

عمرك ؟

ايه الاحراج ده ؟!!! فيه حد يسأل بنت عمرها كام سنة؟ عموما دي آاااااخر سنة هجاوب فيها على السؤال ده بصراحة

28 going on 29
.

برجك ؟
سرطان بلا فخر

.
مجال دراستك ؟

لأ كتييير أوي ... ممكن أفرودلوكو ال

من أول الأدب الانجليزي للمزيكا للجرافكس... الخCV لو فاضيين أوي
...

شخصيتك نوعها إيه ؟

ستة تمانيتيين!! ايه السؤال ده!! وبعدين أنهي فييهم ... مانا سبق وذكرت إني كتيير قوي؟

السفر بالنسبه لك ؟

I like metropolitan cities mout … I feel that I am breathing properly.. I am not the beach morning kindda girl khales… but not for too long coz home sickness gets me..
.

المود بتاعك ؟

الأسئلة دي برة المنهج!ا

وقت فراغك بتعمل فيه ايه ؟
I would spend my whole life time watching movies.. bas I don't have the time.. I adore exploring new programs .. googling for new subjects to read.. fighting with Om 3abdallah…lamma ab2a moody kwayes awi… aw mesh kwayes khaaaales I go back to playing piano …I read some blogs sometimes… lately I, COOK J above all worrying is my first talent.. ! My slogan for a while was "When I find nothing to worry about.. I worry about that"

الاكلة المفضلة ؟
Pasta, potato.. and white chocolate
.

الصفات اللي خدتها من بابا ؟

التهاب المعدة وارتداد الحامض!! كويس كده؟
His love for cello and his musical talent
.

الصفات اللي خدتها من ماما ؟

الحساسية! لأ .. أنا قصدي حساسية الجلد!ا

.
I hate these question betfakkarny b mozee3een el qanaa el talta
"يا ريت الفنان حالمبووحة يقولنا وهو ابن الناس البيئانة دول وإتربى في الوسط المنحدر ده والعيلة الواطية دي... يا ترى إزاي قدر يوصل للعالمية ... وهل الزبالة والانحدار اللي كان عايش فيهم كانوا حافز ليه وهل عليه عامل في الإحداث اللي باين عليه دلوقتي؟!!!ا"
.

اكتر 6 حاجات بتكرهها ؟ الأسئلة الرخمة والناس الرخمة والتاجز الرخمة والاجابات الرزلة!ا

هو ده السؤال اللي كنت عاملة حسابه :(
جد شوية
,

اكتر 6 حاجات بتكرهها ؟
النقد
التفاهة والسطحية بتقتلني
دخولي مود اكتئاب وبعدي عن ربنا
إني أأخر العشا (صلاة العشا)ا
اني أحس ان حد زعلان مني أو حد فاهمني غلط
اني اشوف حاجه غلط ويتطلب مني متكلمش
إن حد يأكلني بالعافية
ان الناس متردش على التليفون وأنا عايزة حاجة مهمة
أتعامل مع client غبي
.
اكتر 6 حاجات بتحبها ؟
لما أحمد (جوزي) بيجبلي White Toblerone or Kinder :]
أدخل فيلم جديد يأثر فيا (كوميدي – رومانتيك – فلسفي – ميتافيزيكال – سايكو) ا
أعزف بيانو على مسرح محترم
أني أكتب قصة أو شعر أو أألف مزيكا ويعجبني
Birthdays and Events (in general)

أجيب هدية وأقعد 3 أيام ألفها (ده بيحصل) - وإن الهدية اللي جبتاها تعجبه
بحب اتعلم حاجة جديدة بتحسسني بازهو (نفسي أتعلم أحط مزيكا على البلوج)ا
أعمل design يعجبني أنا
.
الشغل بالنسبه لك ؟

شغلى الحالي ... لذيذ، مسلي، exploring my talents
الشغل عامة: رسالة ربنا هيسألنا عنها
.
ايه الكمبيوتر والانترنت بالنسبة لك ؟ وسيلة معرفة وتنمية آفاق جديدة

Actually, my laptop is MY REAL FRIEND these days

.
I am tagging Gasser, Karim, Geronimo, Hamlet, ElTayeb, Manwella,

مقالة "بغلة عمر" لإبراهيم عيسى

2007-02-09T14:34:00.000-08:00

أولا أنا لا بحب السياسة ولا بحب التاريخ ولا عايزة أعرف ولا أفتى البلد دي ماشية إزاي. المهم أني اتنيلت وقريت الدستور ... وبعد ما قريت الصفحة الأولى – مقالة "بغلة عمر" لإبراهيم عيسى – جالي اكتئاب وملقتش حد اجيبله اكتئاب فى هذه الساعة المتأخرة من الليل... فقلت أطلع كبتي في الكتابة:

إليكم مقتطفات مما كتب سي ابراهيم:ا

ليتفضل الرئيس مبارك ويشرح لثلاثة ملايين ونصف المليون من شعبه كيف يعيشون باقل من ستة جنيهات في اليوم ...ا

وقولهم ازاي يعيشوا باقل من 180 جنيه في الشهر بلاها سكن ولبس وتعليم، حيناموا في الشارع وعريانين وجهلة بس قلهم ياكلوا بكام ويشربوا منين...ا

معاش الضمان للاسرة المكونة من اربعة افراد قد ارتفع من 70 جنيه الي مائة جنيه شهريا بواقع 25 جنيه للفرد في الشهر اي نحو 83 قرش للفرد يوميا وكاد احمد نظيف يبكي من الفرح كانه احرز هدف الاهلي في الصفاقصي في الدقيقة 90 ...ا

فماذا يفعل فرد ب25 جنيه في الشهر سوي ان يشتري سما لياكله منه يشبع وبالمرة يموت ما هذا الهزار الرخم مع ...ا

لنركز علي 32 مليونا ونصف المليون مواطن هؤلاء سعادتك يعيشون باقل من دولارين -12 جنيها للفرد في اليوم وهؤلاء كما هو واضح نصف الشعب المصري ...ا

يحصل خريج الجامعه الذي يعمل في الجهاز الحكومي علي 150 جنيه وهو مبلغ لايكاد يكفي طفلا وهو دعوة صريحة للفساد لموظفي الجهاز الحكومي الذين ...ا

وصل حجم ديونها للتامينات والمعاشات والبنوك والشركات الحكومية والافراد الي 593 ونصف مليار جنيه في نهاية2006ما يوازي 96% من كافة شيء تنتجه مصر ...ا

طبعا المقال أطول من كده بكتير، لو عايز تقراه، كليك هنا:
http://www.saveegyptfront.org/news/?c=161&a=7328

لم يكن مني حينما قرأت المقال إلا أن أذكر كلمات هرمزان لعمر ابن الخطاب
"حكمت فعدلت فأمنت فنمت يا عمر وملكنا فظـلمنا فخفنا فسهرنا فانتصرتم علينا يا مسلمين"

هنعمل ايه ... حسبنا الله وهو نعم المولى والنصير وهو نعم الوكيل

Special Dedication for her

2007-02-07T16:42:00.000-08:00

If you want something, let it go.
If it doesn't come back, it was never yours to begin with.
---
إذا أردت شيئا بشدة .. فأطلق سراحه
فإن عاد إليك فإنه لك إلى الأبد
وإن لم يعد فهو لم يكن لك ... منذ البداية

ليس كل من مات منتحرا كافرا

2007-02-07T16:25:00.000-08:00

اليوم أتحدث إليكم عن موضوع شغلني منذ أمد بعيد... الانتحار!ا

لا أقصد هنا الانتحار المعنوي وموت الأحلام والأشياء الغير ملموسة. أنا بالفعل أتحدث عن الانتحار. بالقطع لست معه ولن أحاول إيجاد مبررات للمنتحرين. فقط، أطالب الناس بعدم تكفير من مات منتحرا لأننا لن نعرف أبدا ما هي الحالة عقلية التي مات عليها هذا المنتحر. من البديهي أن نتخيل أن من مات منتحرا ليس في كامل قواه العقلية. فمن المستحيل إذا كنت سليم عقليا أن تفكر في الانتحار كلما ضاق بك الحال. ففي هذه الحالة عليك باللجوء إلى قوة عليا – الله عند الكثيرين– للتخلص من الضيق أو النقمة على أحوال العالم الذي أصبح يطبق على صدورنا جميعا. ولكن ماذا إذا ابتلاك الله ببعض الخلل العقلي الذي قد يصور لك أحيانا أن الانتحار هو الحل الأمثل. وأقول هنا خلل أو اضطراب عقلي وليس الاضطراب العقلي بجنون. فمريض الاكتئاب ليس شخص يجوب الطرقات عاريا مطلقا لحيته يستمتع بإطلاق السباب على الناس.
وهذه بعض الاضطرابات العقلي التي – للأسف – عجزت عن ترجمتها.

Specific disorders often described as mental illnesses include major depression, generalized anxiety disorder, bipolar disorder, and schizophrenia*… etc.

وإليكم بعض النتائج التي توصلت إليها بعد قراءاتي ومناقشتي مع بعض المختصين:

Studies have shown that 1/3 of people who commit suicide have a personality disorder.

In fact, it's estimated that people with mood disorders are12 to20 times more likely to commit suicide than people without a mood disorder.

There is a 4% lifetime risk of suicide in people with schizophrenia and schizophrenia occurs in 1% of the population.

About 40% of people who attempt suicide have a personality disorder, and 40%-90% of people with a personality disorder attempt suicide at some point in their lives.

One study showed that 11% of people who committed suicide had an anxiety disorder.

وإذا كان الله تعالى قال "ليس على المريض حرج" فأنا آمل أن نغير منطقنا الغير واعي في الحكم على الآخرين و بالأحرى على الموتى وذلك لأنه شيء إلهي للغاية ليس لنا شأن فيه على الإطلاق.
.
.
هذه بعض المواقع التي استرشدت بها في هذه المقال:
http://www.stopasuicide.org/suicide.html
http://en.wikipedia.org/wiki/Mental_illness
http://en.wikipedia.org/wiki/Suicide
http://en.wikipedia.org/wiki/Bipolar_disorder
http://en.wikipedia.org/wiki/List_of_people_believed_to_have_been_affected_by_bipolar_disorder
http://en.wikipedia.org/wiki/Schizophrenia
http://en.wikipedia.org/wiki/Major_depression

____________________________________________________________________
* schizophrenia ليس هناك أي علاقة بين السكيزوفرينيا وازدواج الشخصية التي حفلت به المسلسلات والأفلام العربية

The NEW Seven Wonders of the World

2007-02-02T15:42:00.000-08:00

Wonders & Location

1
Potala Palace
Lhasa, Tibet

2
Old City of Jerusalem
Israel

3
Polar ice caps
Polar regions

4
Northwestern Hawaiian Islands National Monument
Hawaii, United States

5
Internet
N/A

6
Mayan ruins
Yucatán Peninsula, Mesoamerica

7
Great Migration of Serengeti and Masai Mara
Kenya and Tanzania

8
Grand Canyon (viewer-chosen "eighth wonder")
Arizona, United States

This data is extracted from this site: http://en.wikipedia.org/wiki/Seven_Wonders_of_the_World

Please go to this site, http://www.new7wonders.com/ and vote for the PYRAMIDS because it is right now NOT CONSIDERED one of the 7 wonders of the world coz no one voted for it.
Click on the pyramids photo and you vote.

ليتها تنتهي

2007-01-20T10:39:00.001-08:00

ضغطت زر "التوقف المؤقت" لألفظ أنفاسي ...ا

لأنام .. حتى أواصل الحياة

.
ولكني وجدت حينما عدت أن ما تركته لم ينتهي بل ازداد
فقفزت في زورق الحياة من جديد ... ا

ألهث لاحقة ما فاتني من ركب الهموم
.
وأصبح أملى الوحيد في الحياة ... أن تنتهي !ا

كل سنة وأنتم طيبين

2007-01-02T09:45:00.000-08:00

كل سنة وكل المدونيين بخير وكل النااااس بخير
ويا رب السنة الجاية البلد تكون أحسن بلد في الدنيا

بات مقتول ولا تباتش عاجز

2006-12-31T07:38:00.000-08:00

وبعد بعض المحاولات القدرية الأخيرة لإبادة الشعب المصري عن طريق أنفلوانزا الطيور وجنون البقر والزلازل، والكثير من المحاولات البشرية كرش الخضراوات والفواكه، والسحابة السوداء، والبلوعات، وقطارات القليوبية والعبارات وأطباء التجميل ولحم الحمير والأطعمة الفاسدة هذا بجانب الاهمال فى كل جوانب حياتنا ومرورا بالموت قهرا من الظلم والذل الذي يقع يوميا على 90% من المواطنين المصريين بمختلف ألوانه ...

وجدت الجهات المعنية أن الموت ببطء أسلوب يدعو للملل وأن الموت اللحظي أسرع وأسهل لانجاز المهمة وأسهل طريقة لذلك هي عدم توفير طرق لعبور المشاة سواء كانت أنفاق، كباري مشاه، أو أي طريقة – ترضي ربنا – لعبور الطريق بسلام.

ببساطة كده، ولأن معلوماتي التخطيطية قد تشبه لغتك الأنجلو – ساكسونية في القرون السحيقة فأنا سأتكلم عن المنطقة التي أحيا بها. أنا أحيا في شارع العروبة الشهير بطريق المطار أو صلاح سالم بالتحديد في مجمع مباني هيديكو الكائن بين نادي الجلاء و فندق الشيراتون أمام الباب الرئيسي الكلية الحربية. تخيل معي اذا كنت تقف أمام سور الكلية الحربية وعايز تعدي الناحية التانية... لو حاولت تبقى محترم وتمشي على النظام علشان ماتموتش مش هاتعرف. ببساطة لأن مفيش كوبري مشاة ولا نفق ولا اشارة ولا أي حل غير أنك تغمض عينك وتقرا الفاتحة في سرك وتتشاهد وترمى روحك في شارع أقل سرعة عربية فيه لا تقل عن 100 كم في الساعة. و يا صابت يا تحمد ربنا انك لحقت تتشاهد!

بلا أدنى مبالغة وبمعدل كل شهرين أو ثلاثة ستسمع عن حالة وفاة، مرة مرات البواب اللي ورانا ومرة بنت البواب اللى جننا ومرة الشغالة اللى كانت جاية للجيران اللي فوقينا ولن تسلم أنت نفسك من أن تسمع أن الخادمة التى تعمل في بيتك باتت في المستشفى امبارح بعد ما نزلت من عندك علشان خبططها عربية وكسرت رجلها – ده طبعا لأن السائق مشكورا سرعته لم تكفي لأن تودي بحياتها. ممكن كمان ماتموتش ممكن تعيش بارتجاج في المخ أو بعاهة مستديمة وساعتها هتتمنى كنت تموت شهيد ... و على رأي المثل "بات مقتول ولا تباتش عاجز".

واذا كان هذا الموقف ليس إهمال آخر من مسئولينا الأعزاء وهو فعل مع سبق الاصرار والترصد، فأنا أهنئهم على الفكرة المبتكرة لتخفيف الكثافة السكانية وتخفيف آلام وأعباء الشعب المصري من الهموم السابق ذكرها والوصول إلى راحة الشعب كله ...

ومش أي راحة ...دي راحة ومش راجعة تاني!ا

سمعت الآذان

2006-11-30T03:56:00.000-08:00

سمعت الآذان اليوم لأول مرة! كلم أسمعه من قبل. لا أعرف لم سمعته بروحي اليوم. يقول الله أكبر. وكأن السحاب يشدو ترنيمة سماوية "الله أكبر". وكأن السماء تهتز أركانها "الله أكبر". "الله أكبر" ... أكبر من حاجة الفقراء... "الله أكبر" أكبر من ألم الساكن في قلوب الضعفاء. الله، أكبر من من صغائر الأمور ولهو الحياة... الله، أكبر من كل جبار في الأرض... الله، أكبر كلما استصعب أمر... الله أكبر... الله أعظم... الله أرحم... الله أقدر... الله أعلم... الله أقوى... أجل... الله اكبر.
وان فتنك شيء وغرتك الحياة فالله اكبر... وان حسبت نفيك محسن للفقراء فالله أكبر.. وان كنت غني، ان كنت فقير الله اكبر... ان كنت ذاكرا أو كنت غافلا فالله أكبر

كلمة ... وجدت نفسي كلما سمعتها شعرت بقوة غريبة ..."الله أكبر"... كلما شعرت بضعف وجدتها ترفعني "الله أكبر"... أو شعرت بزهو وتجبرت وتكبرت بعقلى أو بنفسى أو حتى بعملي الصالح... خجلت منها وهى ترانى كبريائي وهزت روحي ودمعت عيني خجلا فالله أكبر..

اعدك واعتذر لك يا الله ان احيا بها قلادة .. وسام على صدري "الله أكبر".

اغفر لي فانت الأكبر... يا الله يا كبير...

الله اكبر

المصري.. هيفضل مصري

2006-11-18T15:00:00.000-08:00

ممكن أفهم بس ايه اللي عاجبك في البلد؟

.
كفاية انها بلدنا..ا

.
لأ مش كفاية... مش لما نبقى بنتعامل فيعا على الاساس ده

يا عم الغريب هنا بيتعامل أحسن مني ومن اهلك كلهم

.
انت مش مقدر الموقف.. عارف يعني ايه غربة .. مفيش دفا بلدك.. مفيش جو العيلة

جتك خيبة انت وعيلتك كلها... انت هاتعملي برنامج حياتي
عيلة ايه اللي بتتكلم عليها يا روح خالتك
تقدر تقولى انت بتشوف قرايبك كام مرة في السنة؟
آخر مرة كلمت عمك ولا خالك امتى؟
امتى آخر مرة قعدت اتكلمت مع امك ولا ابوك بجد..؟
امتى آخر مرة اشتكيت لحد من اخواتك عن حاجة مضايقاك؟
دفا ايه بس يا عم تامر حسنى
.

بس انت لو جرالك حاجة برة ماحدش هايسأل فيك

.
ده على اساس إنى لو اتقطعت هنا في وسط البلد في وضح النهار، حد هيرفع شماعة يدافع عني.. مش كده؟

ايوه بس انت برة هتفضل طول عمرك مواطن درجة تانية.. وهيكفروا سيئاتك على القرشين اللى بتاخدهم
.

ده برضه على اساس اني هنا مواطن درجة أولى تكييف؟!!

واللي بيشغلوني هنا حاسيين انهم هم المستفيدين من عقلي الفذ !ا

يعني انت مش بتحب مصر؟! دي بلدك؟
.

ما هي المصيبة انها بلدي.. وشايفها تعبانة ومنيلة على عينها ومش قادر لا اصلح فيها حاجة
ولا ليا حق اتكلم

ليه؟ حاول تصلح

حاااااااضر... عينيه الاثنين .. من بكرة الصبح هتلقينى واخد فرشة وألوان وبرسم خطوط لعبور المشاة!ا
يابني انا مش عضو في مجلس الشعب
واتأكد اني لو بقيت عضو في مجلس الشعب ...(تيييييييييييييييييت)د

.
يعنى مفيش حاجة واحدة عدلة في مصر؟!!ا يابني ده احنا شعب ابن نكته

في شعب في الدنيا بيتريق على كل المصايب اللى احنا عايشنها دي

دي مسماهاش خفة دم.. دي كلاحة وبرود.. لما مايبقالناش تمن عند أى حد.. لا قريب ولا بعيد

وبدل مانثور ونغير، يجيلنا نفس ننكت ... يبقى ما عندناش دم

بقولك ايه.. ماتقوم تقدم على هجرة وتنزل من على وداني

مش قادر
.

ليه؟

مش عارف؟
...
...
يمكن عشان أمى؟

مسألة مبدأ

2006-11-12T11:39:00.000-08:00

قال لزوجته: اسكتي
و قال لابنه: انكتم
صوتكما يجعلني مشوش التفكير

لا تنبسا بكلمةٍ
..

أريد أن أكتب عن حرية التعبير

أحمد مطر

اشمعنى أنا؟

2006-11-10T04:37:00.000-08:00

اشمعنى أنا؟!! أنا كمان على فكرة من زمان باحتج!ا

مش بس كده ... ده انا كمان بشجب وأندد!!ا

..
حاولت بعد ما قرأت مدونات كتير أعلق

لكن لقيت ان اليأس الذي أحاط بي في هذا الموضوع لجم لساني... ا

هقول ايه يعني؟!ا

مع اني طول عمري رافعة شعار "لا تصالح"..ا

أصل هي جت على دي ...ا

هو فاضل ايه لسه ما حصلش؟!!ا

من تسهيل دعارة وصالات قمار وسكارى ماشيين في الشارع بحجة انها مدن سياحية ...ا

وبنات قالعة أكتر من اللي لابساه

ورشاوي ومحسوبيه وبيروقراطية وديمقراطية وطنية

اهانة آدمية... !ا

وفساد وانعدام وعي وناس تحت خط الفقر ...ا

ولو قعدت أكتب على البلاوي اللي بنعيشها كل يوم مش هكتب بوست ... هعمل صفحات على النت

مش فاهمه محروقين قوي على ايه

صدقوووووني أنا كان نفسي انضم لهذه الوقفة

بس اليأس أغرقني حتى أصبحت أتنفس بالكااااااد

عموما ربنا معاكو ...ترخصوا البنزين

وتعلوا المرتبات وتنضفوا الشوارع

وتجوزوا الشباب وتدفعوا للأيتام معاشات أهاليهم

وتلموا أطفال الشوارع وتعلموا نص البلد اللي لسه متعلمش

وتوعوا أغلب البلد اللي لسه ماوعييش

وتعملوا خطوط أكتر لمترو الأنفاق وتفوَّقوا السواقين

وتأكلوا الناس الغلابة لحمة أكتر من مرة كل أول عمر

وتوسعوا الشوارع وتقللوا الزحام وترمموا المباني

تسدوا البلاعات وتأمِّنوا القطارات وباخرات

وتقللوا التلوث وترخصوا العقارات

وتشغلوا العاطلين من الشباب والشابات

وبالمرة ابقوا حرروا الصحافة

بس قبل الحاجات دي كلها - وحياة أبوكوا - تبقوا

تصحوا الضمير اللي مات...ا

مين عارف

يمكن يكون لسه في أمل...ا

...

وشكرا

امضاء

يااااااااائسة!ا

شكرا ... أيها الحنان

2006-11-09T16:13:00.000-08:00

كنت أود أن أكتب عنها منذ زمن

رحت أصلي القيام ذات ليلةوكانت تصلي إلى جواري..ا

رأتني أحاول تدفئة نفسي بنفسي

وكان الجو في غاية البرودة ... ا

كنت أتحرك كثيرا قي الصلاة من شدة البرودة

وفي منتصف الصلاة وبأقل حركة ممكنة رفعت بمعطفها الملقى على الأرض وأقتربت به من يدي النائمتان على صدري...ا

ولكن من شدة احراجي لم ألبسه...ا

وانتهت الصلاة فإذ بالسيدة تسألني عما اذا كنت مازلت أشعر بالبرد فنفيت في احراج واضح رافضة أن آخذ معطفها من خجلي..ا

ولكن بعد دقائق عدت في قمة احراجي وبردى أطلبه...ا

لم يؤثر في انها اعطتني اياه قدر ما تأثرت بشدة لتلك النظرة الحانية التي منحتني اياها ولهذه الطريقة التي ربتت بها على كتفي

...

ولا اعرف لم كنت سأنفطر حينها في البكاء...ا

وظللت ادعو لها طوال الشهر...ا

...

شكرا ... أيها الحنان

Teaching a Pig

2006-11-06T13:36:00.000-08:00

"There's no point in teaching a pig how to sing.

You'll end up wasting your time

...and annoying the pig!!!"

...

Chinese Proverb

Still care?

2006-11-05T08:04:00.000-08:00

When you stop blaming...
You stop sharing...
You stop caring all together !

إليك أشكو

2006-10-18T16:04:00.000-07:00

اللهم إليك أشكو ضعف قوتي

وقلة حيلتي وهواني على الناس

ياأرحم الراحمين

...

أنت أرحم الراحمين

أنت رب المستضعفين وأنت ربي

إلى من تكلني إلى عدو يتجهمني...ا

أم إلى صديق مكلته إمري؟

...

إن لم يكن بك غضب علي فلا أبالي

...ولكن عافيتك هي أوسع لي

...

أعوذ بنور وجهك الذي أضاءت له السموات و الأرض

وأشرقت له الظلمات وصلح عليه أمر الدنيا والأخره

أن ينزل بي غضبك أو يحل علي سخطك

لك العتبى حتى ترضى ولاحول ولاقوة إلا بك

...

اللهم تقبل دعواتي ودعواتكم جميعها

وثبتنا بعد رمضان

هرتلة - أو متاخُدش ف بالك

2006-10-11T17:19:00.000-07:00

Hi guys,
...
This is the first time for me to copy another blogger's post.. Mesh alaata.. It is just that i felt that this one is true and from the heart... I would like you to read .. The blogger is called Nour.. She has her name on 3 blogs.. Her blogspot is from the blogs i really like reading.. Therefore i recommend reading it.. Enjoy!

...

هرتلة- أو متاخُدش ف بالك

...
إن حد يفتح لحد تاني قلبه كأنه بلكونة بيتهم اللي عالبحر.. و يقعد و ياخد راحته كأنه فعلا بيت أبوه اللي عالبحر..ا

..
هيقعد يشخبط ع الحيطان.. و يقلب الكراسي.. و يطلع قطن الخدديات.. و يفَََّتّح ضرف الدواليب.. مش مشكلة, ما هّو اللي هيقعد في الهيصة دي كلها.. يعني إنت-كصاحب البيت الأصلي- أساسا بتبقى مبسوط إنه لاقي راحته عندك.. و بعبطك تبتدي تفكر إنكو ممكن تفتحوا البيتين على بعض.. على أساس إن إنت كمان تدخل تِمَدد عنده كأنه بلكونة بيت أبوك اللي عالبحر إنت كمان.. بس هو بقى هيطلع ندل قوي و يقولك سلامو عليكو, أصلي معرفتش آخد راحتي عندكو.. هيمشي.. بس إنت هتكتشف إنه ساب حتة من روحه في المكان.. هتقعد تدور زي المجنون على أي حاجة من ريحته.. حاجة كده تقدر تمسكها في إيدك و تعيط عليها يعني.. بس مش هتلاقي غير شبح الروح دي.. شوية و تحاول تنسى, و تبتدي تحاول توضب في المكان عشان يرجع زي الأول تاني.. بس هتكتشف إن الشخابيط اللي عالحيطان أعمق و أكتر من إنها تتشال.. ولا الكراسي راضية تتعدل,ولا الضرف راضية تتقفل.. و قطن الخدديات اتفرفت ميت حتة و حبة منه طاروا وقعوا في البحر.. ساعتها هتحس إنك غلبان قوي.. و إنك متعَّور قوي..ا
ا
ا**هو إنت متغاظ عشان حاسس إنه إتضحك عليك, ولا زعلان عشان قلبك إتنعكش؟!**ا
ا
في أي الحالتين.. نضّفلي مخك بقى و ماتكررش غلطك مرتين.. ماتفتحش قلبك لكل من هب و دب ياخد له تعسيلة فيه.. و إذا -خلي بالك بقول "إذا"- لقيت حد إحتمال إنه يكون أهل إنه يوضب النعكشة اللي جوَّة.. برضه متسيبهوش ياخد راحته قوي.. مش يمكن كمان شوية هو كمان يزهق من التوضيب؟!ا
ا
و نداء أخير للطرف التاني.. يا ريت لو إنت ناوي تمشي قريب تقعد بأدبك بقى و بلاش شغل تانية حضانة بتاعك ده.. يعني الأمور كده هتبقى أسهل كتير..ا
ا
***
ا
حد فاهم حاجة؟!!ا

سؤال مجعلص

2006-10-04T12:42:00.000-07:00

Gasser tagged me

تاخد كام أو إيه

تعمل بيه إيه

أو تبطل بيه إيه

و تبقي مبسوط في حياتك

I am tagging ALLLLL my friends & bloggers

مطار على بابا الدولى

2006-09-29T14:20:00.000-07:00

لا تعليق!ا

القسوة

2006-09-17T11:41:00.000-07:00

القسوة المتعمدة لا تغتفر !ا

...

“Deliberate cruelty is not forgivable.”

from "A Streetcar Named Desire"

by "Tennessee Williams"

هي جت على أم عبد الله

2006-09-06T13:09:00.000-07:00

علشان في ناس بتزعل من كلمة شغالة -

ال"سرفنت" اللى بتجيلي اتأخرت عليا ..
فضلت أتصل بيها متردش ... أتصل بيها متردش...
إلى أن ردت بعد ساعتين وسمعت صوت فتاة تقول
"Hello..."
...
قفلت السكة ف وشها طبعا...

وترددت أن أعاود الاتصال ولكنى أعدت الاتصال
- Hello

مبدهاش

...

"…Sorry ممكن أكلم أم عبد الله؟"
- أيوة أنا ... من صدمتى لم أعلق...

وواصلت الحديث...

... ناهيك عن كلمات أخرى مثل
OK pronounced with a good accent ...

ALRIGHT, PLEASE, and it ended with YES OF COURSE!!!
...

...
بس أنا ايه اللى مزعلني؟ م الناس كلها بتتكلم كده... هى جت عليها؟!ا

سؤال ملح

2006-09-06T10:28:00.000-07:00

هل نحاول إسعاد الآخرين لأننا "ناس طيبة"...؟

أم لأن هذا هو الطبيعي والواجب

أم
ليشعرنا إسعاد الآخرين أننا أناس أفضل وأسمى؟
هل نسعد الآخرين "طيبة" أم لأنسعد نحن؟

My Poetry Blog

2006-09-05T12:26:00.000-07:00

أشعار... من وجع الروح

خطوط في حياتي

2006-08-31T17:16:00.000-07:00

حينما كنت أصغر كنت أعشق الخطوط المستقيمةًًًَ...ا

كانت تشعرني بالثقة… في الملابس، في التصميمات

ولكنى وجدت فجأة عيناى تميل للخطوط المتعرجة المتشابكة كغصون الشجر.

هل عيناي تترجم حياتي التي أعيشها …؟ا

أم أن روحي انعكست على الأشياء …؟ا

الزوجة … والزوج

2006-08-31T17:13:00.000-07:00

حينما يتزوج الرجل يبحث عن زوجة
حينما تتزوج المرأة تبحث عن حبيب
فلا يلتقيان إلا في مكان واحد…!ا

ليه كده؟!ا

2006-08-30T14:12:00.000-07:00

كان واحد من الناس زي كل الناس
ناس عايشة بتجرى وشقيانة واهي عايشة وخلاص

كان واحد من الناس زي كل الناس
مستورة مدام بابنا علينا مقفول بالترباس

بس الأيام مش سيبانا مش سيبانا فى حالنا
بتاخدنا غدر على خوانة ويانا م اللى جرالنا

قسوة ظلم وذل وبتضرب في الكل
واللى يخاف ينداس

****

رسالة لكل من شاهد الفيلم ومن لم يشاهده أود أن أشارككم إحساس...
كلمة سمعتها في الفيلم ... وتأثرت بها أكثر من تأثري بالفيلم بالرغم من كئابته... كلمة جعلتني أفكر إلى اليوم

ليه كده؟!ا

"قسوة وظلم وذل وبتضرب في الكل... واللى يخاف ينداس"

ليه كده؟!ا
خوفنا من المستقبل وخوفنا وحذرنا من بعضنا... "ليه كده؟!"... حتى إذا كان "بابنا علينا مقفول بالترباس"... لا نشعر بالأمان... ليه كده...

بالبلدي كده...

ليه لو عندك ضهر في البلد دى تاخد حاجات مش حقك... واللى مالوش ... يعوض عليه ربنا مايخدش أبسط حقوقه... ما يتعاملش حتى على إنه بني آدم... ماهو أصل إحنا أصلا فى المدارس ما علموناش الكلمة دى... "آدمية"... ليه كده؟!ا
ليه الغلبان كتيره قوي يطالب بأكلة وهدمة تستره (زى مابيقولوا) مايقدرش يطالب بآدميته... مش لأنه مشغول عنها.. بس أصله ما عندوش فكرة الكلمة دي معناها ايه أساسا!!ا

ليه لو واحد عنده رأى (ولا أتحدث عن المثقفين خالص) الناس تعامله باستغراب ويمكن تقاطعه لأنه صداع!ا... ليه كده؟!ا

ليه أحيانا ... وساعات "كثيرا" بتتعامل بره بلدك أحسن كتير من المعاملة اللى بتتعاملها في بلدك ... ليه كده؟!ا

ليه إحنا البلد الوحيد اللى مواطنيها مواطنين درجة تانية في العالم كله!!! ليه كده؟!ا

ليه في في بلدك 2 مليون طفل مشرد ... اللى بيناموا على الرصيف تحت التكييف علشان يدفوا فى الشتا (واسألوا أطفال أبو الفدا في الزمالك) واللي بيداروا جنب عربية.. واللى على "دكة" في جنينة في الطل... 2 مليون... ومحدش قادر يعملهم حاجة... ليه كده؟!ا

ليه الناس بتروح مارينا تتنطط على بعض واحتمال تصيف بالمرة... وليه في فلل في مارينا باتنين تلاتة مليون ... وناس تانية وفي نفس البلد لو اديتها اتنين تلاتة جنيه تبوس ايدها وش وضهر واحتمال تبوس ايدك انت كمان...ليه أحلام الغلبان غلبانة... ليه كده؟!ا

ورغم ان ناس على قلبها أد كده إلا إنه بيحس بالزهو علشان الجنيه اللى إداه للسايس.. وكأنه جابله عقد عمل في الكويت... ليه كده؟!ا

ليه دلوقتي محدش بقأ مصدق إن حد بيحب بجد... يمكن لأن أى حد ممكن يبيعك حتى لو قاللك انه بيحبك... ليه كده؟!ا

ليه لو حد غلط ننساله أى حاجة عدلة عملها واحتمال يطلع "بنى آدم زبالة... أنا قلتلكو!" وأى حاجه عملها عدلة في حياته تتنسي... ليه كده؟!ا

ليه بنبص للغير محجبة على إنها معندهاش فكرة عن الدين... و بالتالى فأكيد المحجبة عارفه كل حاجة...ليه السطحية... ليه كده؟!ا

ليه لو واحدة قلعت الحجاب تنعت بأسوأ الصفات... ونفضل حاسيين إن إحنا مجاملينها إننا لسه نعرفها ... "من كان منا بلا خطيئة" ... ليه كده؟!ا

ليه لو واحد خجول شوية سهل جدا يبقى تريقة القعدة...ولو واحد مش بيعرف يرد ويزق في الكلام يبقا صيدة حلوة قوي... ليه كده؟!ا

ليه الواحد ممكن يدفع الزكاة والضرائب وصدقات وتبرعات لو مش غني قوى... وأول ما يبقى معاه فلوس بجد تبقى الزكاة تقيلة قوى...سبحان الله مع انها نفس النسبة ...وتبقى الدولة ملهاش حق تاخد ضرائب لأنها مابتديناش حاجة... ليه كده؟!ا

ليه لما حد بياخد حاجة مش حقه ..بعد فترة بتبقى حق مكتسب... ليه كده؟!ا

ليه لو واحد عزيز علينا اختلف مع حد أو حتى اتخانق مع حد...لازم نقف في صفه حتى لو كان غلطان...ومابنحاولش نفهم مبررات الطرف الآخر... ليه كده؟!ا

ليه لو قلت الحقيقة الناس تزعل...ولو مقلتش تبقى بتمثل وتبقى مش طبيعى ... واحتمال تتهزأ وتاخدلك كلمتين كمان... ليه كده؟!ا

ليه لما بتكون تعبان ومحتاج تتكلم مع حد بترتاح له تلاقى أصحابك كلهم مش جنبك...اللى مشغول... واللى قافل موبايله... واللى عنده مشاكل مش قادر يسمعك...واللى مش بيرد على موبايله... ولو رد يبان عليه مش فاضي! رغم إن الناس دي كلها أنت وقفت جنبها... وتلاقى نفسك لوحدك أنت ودموعك بتقول كملة واحدة... ليه كده؟!ا

ليه لو بتضحى علشان حد ومؤمن باللى بتعمله تلاقى الناس كلها تشتمك فى وشك... "ما أنت طول عمرك أهبل وعبيط...بكرة تتعلم"... ولو مضحتش وحاولت تفكر فى نفسك... مرة من نفسك...تبقى "انت بقيت أنانى قوى...ليه بس... الدنيا غيرتك"... يعني كده مشتوم وكده متهزأ... طب ليه كده؟!ا

ليه أول مانحس ان حد بيحبنا واحنا نبقى مش بنحبه بنفس الدرجة نطلع تربانتيت أمه...مع ان كل غلطته انه حبنا اكتر ما حبيناه!ا

ليه كده؟!ا

حاجات كتير قوي مش ممكن أفتكرها كلها... بس كل ما هتشوف حاجة كده...هتلاقى نفسك بتقول جواك...
ليه كده؟!ا

ليه البلد دي... لأ...
ليه الدنيا دى بقى دمها تقيل قوي كده...
....

ليه كده؟!ا

...

*******

...

يا ريت كل واحد يشوف المدونة دي يقول حاجة واحدة مرت عليه وحس ان نفسه يقول... ليه كده؟!ا

المرأة العاملة

2006-08-30T14:06:00.000-07:00

الرجل العامل يجاهد ليكون فقط عامل... والمرأة العاملة تجاهد لتكون عاملة ثم تجاهد أكثر لتكون امرأة!ا

مش هتموت ... هتعيش

2006-08-26T16:14:00.000-07:00

إن مقدرتش تضحك ما تدمعش ولا تبكيش
وان مافضلش معاك غير قلبك
اوعى تخاف
مش هتموت ... هتعيش

وان سألوك الناس عن ضي جوه عيونك مابيلمعش
ماتخبيش
قول لهم العيب مش فيه
ده العيب في الضي

وأنا مش عاشق ضلمة ولا زعلت الضي
مسير الضي لوحده هيلمع
ومسير الضحك لوحده هيطلع
مابيجرحش
ولا يإزييش

خبر عاجل

2006-08-26T16:09:00.000-07:00

خبر عاجل

تم نقل تمثال رمسيس من رمسيس (إللي لسه مش لاقيينله اسم) إلى الهرم
وقد تم تكلفته 65 مليون

ولا تعليق!ا

شرفة تطل على أوحاع روحنا

2006-08-22T17:43:00.000-07:00

حينما قرأت هذه ال"بلوجز
فكرت أنني أود أن يقرأ أي شخص ما أكتب من محاولات شعرية
فنشرتهم...
...

ولكن حينما قرأت "بلوجز" أكثر لأناس آخرين
عرفت لماذا كلنا تعلقنا به...
كأنه شرفة تطل بها على أوحاع روحنا... لنشارك فيها آلامنا...
ونتعرف فيها على من يشبهنا..

فكان ملجأنا الوحيد وسلوانا كلما شعرنا بالألم و الوحدة...
أن نفرغ ما بداخلنا بين سطوره
عل شخص يقرأه ... فيفهم ما بين السطور...
ذلك يريح قلوبنا
فيربت على مشاعرنا أن هناك ... من يشعر
...
مثلنا...
...
رغم أن أغلبنا يشعر
...."أنه وحده هو غريب ... لا يشبه أحد"

ليست أنا

2006-08-22T17:21:00.000-07:00

في الصورةِ المعلّقةِ على الجدار…

طفلةٌ تشبهني …

لولا أنّها تبتسم …

.لظننتها صورتي

سوزان عليوان

من... شمس مؤقته

2006-08-22T17:10:00.000-07:00

أرجّحُ الاحتمالاتِ الطيّبة لِكُلِّ السوءِ الذي حدث

المحبَّةُ خدعةٌ

و الحنانُ مشبوهٌ
.لكنّني -رغمَ حدّةِ الألمِ- سأستمرُّ في تصديق ما لا أراهُ

بتموت

2006-08-22T16:23:00.000-07:00

"سلمى - "زياد رحباني

ما دام أحلى وردة بتموت
والطير شو ما علا بيموت
صدقت شو بتحبني
قدك ما حدا حبني
بس ليش لا هالحب ما يموت

يا عمي مالشمس بتموت
إنسان هلأ كان بيموت
ليش لا هالحب ما يموت

بيموت... بيموت...
مات ... مش بيموت

مِن أجل من؟

2006-08-22T15:58:00.000-07:00

حينما نعاقب الآخرين بألا نسامحهم
إنما نعاقب أنفسنا بحمل الضغائن لهم!